​प्रभातीच्या केशराची

कुणि उधळली रास

आणि वाऱ्यावर रंगला

असा केशरी उल्हास!

इंदिरा बाईंच्या या शब्दांमधून एक सुरेख चित्र डोळ्यासमोर उभं राहतं, केशरी रंगाचं!

सकारात्मक ऊर्जा देणारा व मनाला उत्साही ठेवणारा, ऊर्जा आणि आनंदाची भावना प्रेरित करणारा हा रंग.

 

मंद सुगंधी प्राजक्ताच्या इवल्या फुलांमधून डोकावणारा, देवळाच्या कळसावर फडकणारा अगदी देवळातल्या हनुमानाचा रंग सुद्धा हाच! श्रद्धेला, विश्वासाला जोडणारा हा रंग. हा रंग अग्नीचा, साधू संतांच्या पेहेरावाचा. 

सुर्योदय व सुर्यास्ताला क्षितिजावर पसरणारा हा रंग, तो पाहून कवीला 'शाम रंगीन हुई है तेरे आंँचल की तरह' सारखी गाणी सुचतात. 

हा रंग बलिदानाचा, वैराग्याचा.

'तलवारों पे सर वार दिए

अंगारों में जिस्म जलाया है

तब जाके कहीं हमने सर पे

ये केसरी रंग सजाया है…

ए मेरी ज़मीं अफसोस नहीं

जो तेरे लिए सौ दर्द सहे

मेहफूज रहे तेरी आन सदा

चाहे जान मेरी ये रहे ना रहे'..

प्रत्येकासाठी या रंगाचा अर्थ वेगळा, महत्व वेगळं पण तिरंग्यातील हा रंग पाहुन मनी उमटणारे भाव मात्र अगदी एक सारखे !

© कविता सहस्रबुद्धे