मैत्री

एक स्ट्रॉन्ग कॉफी,
मस्त छान वाफाळलेली
कयानीच्या केक सोबत,
मैफल गप्पांनी रंगलेली

वेळ काढून भेटण्यात,
खरंच वेगळी मजा असते
मन मोकळं करायला,
हिच सोबत हवी असते

मैत्री म्हणजे शब्दांशिवाय,
कधी मन जाणून घेणं
कौतुकाची थाप देवून,
एकमेकांना आधार देण

आनंदात तर येतात सारे,
दुःखात मैत्री धावून येते
न मागता न सांगता,
खूप काही देऊन जातं

निखळ मैत्रीत अजून,
सांगा बर काय हवं ?
शब्दांत सांगता न येणारं,
ते हळवं नातं खरं .....