गुणगुणते सांज नभी कोवळी कातर
सखी वाट पाहे दूर चांदण्याला पूर
मोगऱ्यात गंधाळली ओढ हि तुझी
रुणझुणती रुणझुणती पैंजणे तुझी
किणकिणली कांकण अलवार गूज
निळे तुझे डोळे चिंब लाजून चूर
मारव्यात भिजूनी खुले सावळी सखी
रुणझुणती रुणझुणती पैंजणे तुझी
सरसर ती झरझर ती घन गर्द सोहळा
मोहरला प्रेमाचा क्षण होई बावरा
केवड्याचे रान ओले तव मौन रेशमी
रुणझुणती रुणझुणती पैंजणे सखी....
रुणझुण ती रुणझुण ती पैंजणे तुझी
चांदण्यात मोरपिशी आठवण जशी ...
